Julegåvetips

Hei, Mari på bloggen flukten fra virkeligheten har nå ein super idè om å dele julegåvetips (bøker) med lesarane. Jula nærmar seg jo med stormskritt og adventskalendarane har byrja. Nå er det tid for å dra opp lommeboka for å kjøpe julegåver.

Bøkene eg anbefaler er som oftast ikkje julebøker (sjølv om det er jul), for då kan dei lese dei heile året. Det er heller ikkje alle som er like nye, men mesteparten av dei får de nok tak i på butikken. Eg har heller ikkje så mange tips for dei i frå 0-6 år eller til godt vaksne sidan eg sjølv bare er femten år.

Til dei minste

Kaos i Betlehem

Ei kjempefin julebok for dei aller minste som det er fint å lese til dei. Flott julegåve med kjempefine ilustrasjonar. Boka er skriven av Michal Hudak. Boka er i frå 2001. Trykker du her kan du få kjøpt ho. Ho er dessverre så gammal at du må bestille på nett.

I boka følger du sauen Krølle som er med og ser på Jesusbarnet og som opplever englekoret på marka osv. Du høyrer òg om alle kyrne, sauene og geitene og sauegjetaren, geitegjetaren og kugjetaren.

jul i stallen

Dette er ei bok av Astrid Lindgren om Jesu fødsel. Ikkje like morosam og livlig som kaos i Betlehem, men er kjekk og det er fine ilustrasjonar. (men mindre deteljert) Dette er eigentlig bare juleevangeliet i ei god barnebok. Viss du trykker på biletet kjem du til ei nettside der dei sel boka.

Snekker Andersen og julenissen

Gammalt nytt, men denne boka er den same som blir vist på barneTV på julaften. Sikkert å finne i ein bokhandel eller nettbutikk.

Stian-bøker

Stian-bøkene var litlesystera mi sine yndlingsbøker då ho gjekk i barnehagen. Eg òg likte bøkene, og dei er lettleste og det er fine ilustrasjonar. Veldig morosamme om Stian og mor hans.

Bøker i serien:

Stian hos frisøren

Stian på stranda

Stians nye lue

Bøkene er skrivne av Lena Landström og er på nynorsk

til barn 7-12 år

Doktor Proktor-bøkene

Dette er nokre veldig morsosame bøker som eg vil anbefale til både gutar og jenter. Her heime har me kost oss med dei.

Titlane i serien er

1. Doktor Proktors prumpepulver
2. Doktor Proktors tidsbadekar
3. Doktor Proktor og verdens undergang kanskje

Det gjer eigentlig ikkje så veldig mykje kva bok du kjøper og kva bok som blir lese først og sist, men den aller første er altså Doktor Proktors prumpepulver. Det er Jo Nesbø som har skrive desse bøkene og dei er proppfulle av humor og handlar om den galne proffesoren Doktor Proktor og hans litle ven Lise og deira bitte litle ven Bulle. Saman redder dei verda.

Vaffelhjarte 

Morosamm bok av Maria Parr. Det er sikkert mange barn som har sett serien om Lena og Trille som har gått på barne-TV den siste tida. Dette er boka serien er basert på, og ho er fantastisk skrive. Trille og Lena søker etter pappa, leker Noahs sjark og gjer masse galne ting med farfar. Samstundes er det alvor i boka, og det er ei bok som eg likte kjempegodt på den aldaren. Ei bok som òg egner seg veldig godt som høgtlesing. 

Tonje Glimmerdal

Endå ei fantastisk bok av Maria Parr. Det er eigentlig ei bok i frå påsken, men den passar godt til å lese året rundt. Tonje er ei livlig jente, og det einaste barnet som er att i Glimmerdal. Ho er litt lik Lena i Vaffelhjarte og boka byr på mange morosamme opplevingar, men litt fleire alvorlige enn i vaffelhjarte. Maria Parr sine bøker er smarte bøker å gi til barn. 

kunstdetektivene

Før du kjøper desse bøkene til nokon, er det lurt å vite kor mange bøker i serien personen har i frå før av. Dei står nemlig i samanheng alle saman. Det er tolv bøker som handler om David og familien hans som reiser rundt, og for kvar ny plass, er det noko mystisk som skjer. Eg har dessverre ikkje noko bilete av alle bøkene samla, men den der er bilete av her (Istanbul-mysteiet) er den siste som er utgitt i serien. 

Tidligare bøker står under biletet. 

Bøkene eg er skrive av Bjørn Sortland, og i motsetning til mange andre bøker av han, er dei på bokmål. Bøkene er fint ilustrerte, og barna lærer òg mykje om stadane familien reiser til. 

1. Venezia-mysteriet
2. Luxor-mysteriet
3. Ankor-mysteriet
4. New York-mysteriet
5. Sidney-mysteriet
6. Oslo-mysteriet
7. London-mysteriet
8. Paris-mysteriet
9. Barcelona-mysteriet
10. Bergen-mysteriet
11. Stavanger-mysteriet
12. Istanbul-mysteriet

Svein og rotta-bøker

Svein og Rotta-bøkene er nokre morosamme bøker om Svein og rotta Halvorsen som saman finn på mykje rart. Den første boka (kloakktur med Svein og Rotta)blei utgitt i 1996 og etter det har det kome ei årlig. Den boka det er bilete av her heiter Svein og rotta feirer jul på landet. Alle bøkene har morosame ilustrasjonar av Per Dybvig (som òg har ilustrert Doktor Proktor-bøkene) Bøkene er skrivne av Marit Nicholaysen. Det er òg morosamt å høyre dei på lydbok lese av Terje Strømdal. 

For 10-12 år

Urchin-bøkene

Urchinbøkene av M. I. McAlister er favoritt hjå mange. Her er det personifiserte dyr som ekorn, otarar, pinnsvin og mulvarpar. Det handlar om krig og fred og mange blir betatt av dyra. Det er fem bøker i serien og det anbefales å lese dei etter kvarandra. For mange høyres det nok barnslig ut med personifiserte dyr, men her er det ikkje Mikke Mus og Langbein. Desse bøkene handlar om langt større ting. 

Bøker i serien

Urchin av de dansende stjerner

Urchin og hjertesteinen

Urchin og Tåkemantels arving

Urchin og ravnekrigen

Urchin og flodbølgen

Skammarserien

Ein serie som er laga av den danske forfattaren Lene Kaaberbøl og som er både spennande og kjekk å lese. Fantasy på nynorsk. Anbefales å lese første boka først sidan alt heng saman. 

Bøker i serien

Skammarens dotter

Skammarteiknet

Slangens gåve

Skammarkrigen

Katriona-serien

 Skriven av same forfattar som skammarserien. Dette er òg fantasy og det anbefales å lese dei i rekkefølge.

Sølvhesten

Hermelinen

Isfuglen

Det blei mange seriar nå, men då eg var på den aldaren las eg mest aldri enkeltståande bøker, og mange av bøkene for 10-12 åringar er seriar.

Til ungdom

Skal prøve å begrense meg her til litt mindre bøker enn dei eg liker. Viss ikkje kan det her bli langt.

Her kan de trykke på bileta for å få meir informasjon. Eg skriv nokre stikkord under bileta.

fantasy, romantikk, spenning og mystikk

mystikk, fantasy og romantikk.

"framtid" og spenning

romantikk, spenning,

om forskjellar

ungdomsroman, fengande,

spenning, mystikk,

romantikk

Desse bøkene er nokre av mine favorittbøker og dei anbefales på det sterkaste. Det blei litt kort med dei stikkorda sånn eg skriv litt til om dei.

Verten av Stephenie Meyer: For alle dei som liker fantasy. Ikkje akkurat som Twilight, men veldig god. Handlar om ei jente som har fått kroppen sin innvandert av ein såkalla sjel, men denne jenta er for sterk til at sjela greier det. Her er det både romantikk og mystikk og mykje spenning.

Matched, Cassias valg av Ally Condie: Veldig spennande bok om Cassia som bur i samfunnet. Her er det funksjonærane som bestemmer kva dei skal ha på seg, kven dei skal elske og kor tid dei skal dø. Så kva skjer då når Cassia byrjar å gjere motstand?

perfekt kjemi av Simone Elkeles: Ei bok om romantikk og det å elske nokon som er på eit anna "nivå" enn deg. Her er det om løyndommar og hemmelige kjærastar og gjengmedlem.

forførende ondskap av Rebecca James: Ei god bok om å bli manipulert og å setje tiliten til feil person. Kathrine bur hjå tanta etter at litlesystera blei myrda på drastisk vis. Der møter ho Alice som tydleligvis har noko meir i tankane enn bare vennskap.

Til mor

Ting byrja å bli litt tull med layouten, så det blir ikkje fleire bilete i innlegget, men eg legg heller igjen linkar på titlane.

Bumerang av Tatiana de Rosnay: Ei veldig god bok som både meg og mor har lese. Det er ekte vare!

Saras nøkkel av Tatiana de Rosnay: Ei bok som seinare har blitt filmatisert. Handlar om krigen og kva som skjedde i Paris i 1942 under Vel d´Hiv.

Midt i mellom av Jean Kwok: Om å emigrere frå Hong Kong til USA, tilpasse seg og å vere fattig blandt rike

Til far

Eg har ikkje så mange tips her, og eg har ikkje lese boka sjølv, men eg kan i alle fall tipse om noko

Himmelarkivet er av same forfattar som før jeg brenner ned, begge bøkene er nok fine julegåver. Forfattaren heiter Gaute Heivoll.