Bok: A Darker Domain av Val McDermid

No som skulen har byrja for fult og eg har prøvd å ligge langt framfor med alt som kan gå under lekser, har det ikkje vore så alt for mykje tid til McDermid, Karen Pririe og alle mysteria som er kokt saman i A Darker Domain, men no er eg ferdig, og eg sit igjen med litt blanda kjensler.

Det er tredje boka eg les av forfattaren på kort tid, og de som har følgt bloggen min lenge veit at eg har ein tendens til å lese mykje av ein forfattar på ein gong, kanskje til og med i heilt feil rekkjefølgje. Til å vere McDermid vart eg litt skuffa, og boka var ikkje like utspekulert som The Mermaids Singing og The Vanishing Point. Likevel, som alltid var ho av god kvalitet, rett og slett fordi McDermid på eit middels nivå kan vere andre på sitt beste nivå.

Ei kvinne kjem inn og melder faren sin sakna. Kor tid vart han borte? For over tjue år sidan. Samstundes tek dei opp att saka om milliardær Broderick M. Grants kidnappa og drepne dotter og dottersonen som har vore borte i over tjue år. To saker på ein gong. Kor fører boka hen? Eg spurte meg om det i ei æve. Kor skal McDermid hen i dag? Kor vil ho?

Som vanleg er McDermids karakterar noko for seg sjølv, men eit kjenneteikn går igjen: Kvinnene. Den feministiske delen av meg elskar at det alltid er sterke kvinner med i bøkene, enten som forfattarar, politi eller journalistar eller heilt vanlege personar. Det er tydeleg at ho liker å ha kvinner i hovudrolla i romanane sine, og det gjer at me kan sjå bort frå alkoholiserte, miserable mannlege detektivar. Likevel overtok den sterke, feministiske sida til Karen Pririe alt for mykje i denne boka, og det var vanskeleg å sjå om ho hadde nokre svake sider, utan at eg sat og tenkte at ho var veldig stereotypisk. Til det har eg lese litt for mange romanar med litt for mange stereotypiar, og så dårleg var det ikkje. Likevel sit lesaren igjen med kjensla av at DI Karen Pririe er ein karakter litt overdriven.

Plottet har få svake sider ved seg. Likevel kan det vere litt langdrygt, litt vel mange telefonar, litt vel mykje tenking utan at det store skjer. Hadde det vore litt meir "action" hadde boka heva seg nokre hakk. Den hadde heller ikkje det same fengande plottet som i dei andre eg hadde lese. Hadde dette vore første boka trur eg at eg hadde haldt fram med å lese nokre andre for å sjå korleis resten var, men eg trur ikkje eg hadde blitt klar over kor god forfattaren er!

Avslutninga er som elles litt brå, og i dei enkeltståande bøkene veit du kva som har skjedd, kven som har gjort det, men kva skjer vidare? Det er ikkje eit oppsummerande kapittel på slutten, og ei open avslutning i ein kriminalroman høyres berre heilt grusomt ut, men viss du les McDermid får du med deg at det er heilt fantastisk.

Eg har ikkje hatt veldig lyst til å blogge i det siste, og det går nok litt tid mellom kvar gong, men slik er det. No har Noreg fått ny regjering, og jo då, eg skal no overleve dei neste åra, men så er det om eg må gå litt i dvale, haha. Nei då, kjenner berre at eg er glad for at valkampen er ferdig!

Bok: Before I Met You av Lisa Jewell

Jewell er ein britisk forfattar frå Middlesex i London. Ho har skrive fleire bøker, blant anna The Making of US, Thirtynothing og Before I Met You. Tidlegare har eg berre lese The Making of US, men til gjengjeld likte eg boka svært godt. Denne gongen var det andre boka av Jewell som stod for tur, som er like fengande og god som den forrige.

Boka foregår i to forskjellige delar av 1900-talet. Arlette de la Mare (trur det staves slik) flyttar i 1919 frå øya kor ho har budd heile livet og til London. Ho har aldri før vore borte frå øya, og London er nytt og spennande. På dagtid jobbar ho i butikken Liberty, og eit møte med kunstnaren Gideon gjer at ho òg blir introdusert for nattelivet i London. På 1990-talet reiser Arlettes "barnebarn" Betty til London frå den same øya som Arlette reiste frå. Ho har inga aning om at Arlette nokon gong har vore i London, men har bestemt seg for å leite etter eit namn som dukka opp i Arlettes testament, Clara Pickle.

Eg såg denne boka på ein bokhandel i flyplassen på Amsterdam og vart veldig nysgjerrig, sidan eg har lese ei bok av denne forfattaren før. Ja, det var ein spennande bokbutikk. Dei hadde ikkje mange bøker på engelsk, men dei hadde Politi av Jo Nesbø på nederlandsk
og fleire andre krimbøker av han på engelsk eller nederlandsk. Likevel, det som fekk meg til å ta opp boka av Jewell var først og fremst namnet på forfattaren, men òg framsida. Eg elskar dette omslaget. Det er fleire andre fine omslag òg som de kan sjå til venstre i dette innlegget. Eg greier ikkje å bestemme meg for det finaste, men dei har laga noko som pirrar lesarane veldig, og viss dei ikkje kjenner igjen forfattarnamnet er det stor sjanse for at boka blir plukka opp likevel!

Historia er òg god. Den stiller spørsmål rundt kjærleik og kven ein eigentleg er. Personleg syntes eg at Betty var den mest interessante karakteren. Ho vil kjenne mora til stefaren, eller bestemor som ho kallar henne. Ho trudde ho visste alt om Arlette, men når ho finn ut at dei kan ha flyttinga til London til felles verkar det
som om ho identifiserer seg meir med bestemora, og i tillegg leitar ho etter Clara Pickle. Betty flyttar inn i bydelen Soho, og ikkje berre leitar ho etter Clara Pickle. Ein kjendis bur rett ovanfor der ho bur. Lisa Jewell er flink på å finne på søte historier, der det ikkje verken er vald eller skyting som skapar spenning, men rett og slett utviklinga til karakterane og kva dei bestemmer seg for til slutt. Det er det aller beste med hennar bøker!

Arlette i fortida skapar endå meir spenning, og ein kan sjå fleire parallelar mellom historiene til Arlette og Betty, sjølv om det er i to forskjellige tiår. Dei er nokså like begge to. Nysgjerrige på livet, men likevel med ein sterk tilknytting til der dei kjem frå. Boka er skriven i tredje person, men det er berre Arlette og Betty som fortel. Dette er eit sterk verkemiddel, for å gjere lesaren nysgjerrig synes eg. Du får berre vita kva dei tenkjer og kan sitje og lure i det uendelege på kva dei andre karakterane tenkjer. Det skaper endå meir spenning rundt dette med bestemmelsar og val. Likevel manglar boka det litle ekstra. Nokre gonger blir det litt klisjéfylt, spør du meg, og eg ville ikkje gitt boka terningkast seks, heller fem, fordi det er noko ubestemmeleg som manglar med boka, og ikkje alle trådane er plukka opp i slutten. Men det er god somarlektyre, for dei som trenger noko lett å lese i somar. Og så har du jo tre omslag å velje mellom. Kva liker du best? Eg greier ikkje å bestemme meg i det heile teke!

Bok: The Light Behind the Window (Norsk utgåve: Lavendelhagen) av Lucinda Riley

50% på alle bøker på Ark er ikkje dårleg. Det er då du plukkar ut ei bok til litt over seksti kroner på engelsk og tek med deg. Og om boka var verdt den norske prisen, på litt over tre hundre, skal godt gjerast!

Tidlegare har eg lese to bøker av forfattaren Lucinda Riley, som eg har skrive positive omtalar om. Derimot kan dette bli ein litt annan omtale, for Riley har ofte med noko eg vil kalla irriterande moment og er i tillegg forutsigbar og gir meg akkurat det eg ønsker meg. Byrjinga av boka varer i evige tider, og det er negativt. Ho kjem aldri skikkeleg i gang! Franske Emilie, hovudpersonen i notida (1998) vurderer om ho skal selje husa som more har etterlatt henne då ho døydde, men eit møte med Sebastian og fleire veker med tenking gjer at ho bestemmer seg for å ikkje selje, men heller pusse opp den historiske bustaden i Gassin i Frankrike.

I fortida er det Sebastians bestemor som står i fokus og er hovudpersonen. Constance Carruthers reiser frå England til Frankrike som agent for Storbritannia, men uventa hendingar gjer at ho må bu hjå Edouard de Martines, Emilies far.

I det store og heile er boka ulik dei to andre på mange måtar. For det første har Riley aldri skrive om ein fransk hovudperson før, og ho har heller ikkje skrive så detaljert om andre verdskrig som ho gjer i denne romanen. Riley veit kva ho skal gi lesaren. Eg føler at ho gir meg akkurat det eg vil ha. Sjølv om mange seier at dei ikkje er romantisk anlagt og ikkje faller for det romantiske tullet mange forfattarar skriv om, er det vanskeleg å ikkje falle for kjærleiken som Riley skriv om, for ho skildrar han fint, og ofte får hovudpersonen sine draumeprins i slutten. Det går an å falle for slikt og håpe litt. Likevel liker eg ikkje at ho gir meg det eg vil ha. Det høyres rart ut, men nei. Det er ikkje noko overraskande med det. Du sit ikkje igjen med spørsmål i hovudet. Det er det som er det store minuset med Rileys bøker. Ho greier ikkje å overraske. Ho kan ikkje sjokkere lesaren skikkeleg. Ho vel enklaste løysning, som får haugar av damer til å elske bøkene!

Bøkene er klisjéaktige. Det har mykje med det eg skreiv ovanfor. Eg elskar når forfattarar sjokkerer meg, gjer meg frustrert, rørt og sint. Det at dei drep personar eg har blitt glad i gjennom skildringane gjer meg sint akkurat i den augeblinken og eg spør kvifor det måtte gå slik, men ser i ettertid effekten av dfet. Du hugsar boka i ettertid. Riley skriv så lite utfordrande at du umogleg kan hugse boka etter tre år. Syntes ho greidde å gjere at hugsa slutten i Jente på klippen, fordi eg vart trist og det var uventa. I denne boka køyrer ho verkeleg på den sikre linja.

Boka var ikkje av god litterær kvalitet. Ho skildrar karakterane ved å fortelje og utfordrar heile "Show, don't tell"-prinsippet som eg liker veldig godt. Språket er keisamt i staden for fargerikt og boka tek ikkje opp nokre viktige moralske eller etiske spørsmål.

Likevel vart eg så totalt fenga av historia, fordi ho gav meg det eg ville ha.

Korleis er det mogleg?

Her er nokre andre omtalar av boka:
Elikkens bokhylle (Seier litt av det same som meg, dessverre appelerer boka)
Elida på My first, my last, my everything (positiv omtale)
Kathrine Krøger, Dagbladet.no (Som meg og Ellikken)
Bok-Karete (positiv)

Andre bøker av Lucinda Riley:
Jenta på klippen
Orkideens hemmelighet

Irske Lucinda Riley lagar i tillegg ei bok no der delar av handlinga skal foregå i Noreg. Til no har ho fenga mange lesarar over heile verda og det skal bir morosamt og spennande å sjå kva ho får inn i boka frå Noreg.

Boka mi er kjøpt på Ark bokhandlel.

bok: the casual vacancy av J. K: Rowling

Etter suksessen med Harry Potter-bøkene som heile verda gjekk rundt og las på 90-talet i i byrjinga av 2000-talet (og heldigvis les framleis) kom J. K. Rowling ut med ny bok i haust etter fem år sidan sist utgitt bok. Etter denne boka håpar eg ho skriv bøker for vaksne like fort som Harry Potter, for historia og spenninga i the casial vacancy er eineståande.

Boka fekk ikkje veldig god kritikk i verken Storbritania eller andre land før ho kom ut på norsk. Dagbladet skreiv i slutten av september at mange syntes at all mediegalskapen rundt denne boka ikkje var nødvendig, og boka blei stempla som lite spennande og keisam. Alyson Pearson skreiv i the Telegraph: "The casual vacancy breaks Harry Potter's spell." Idag, som sikkert mange andre gonger må eg vere ueinig med dei som omtaler bøker på profesjonelt nivå. The casual vacancy tek Rowlings forfattarskap til nye høgder.

Pagford er ein småby i England kor sladdar og baksnakking kunne vore ein hobby, så mykje som menneska i denne boka driv med det. Det er nærast ulovleg å ikkje vere misfornøgd med måten byen blir styrt på. Dette trass i Barry Fairbrother, som er både populær og imøtekommande. Han er leiar for Pagford Parish Council, og nokre av sakane han har kjempe mest for har vore at the Fields skal tilhøyre Pagford og ikkje nabobyen Yarvil. The Fields er ein bydel kor flesteparten går på sosialstønad eller bruker dop. Mange besøker Bellchapel Clinic jevnlig for å få behandling for rusmisbruken sin. Bellchapel har eit viktig program som Faribrother har kjempa for i lang tid, og for mange rusmisbrukarar er det eit val mellom liv og død.

Derfor er det ikkje bare fare for at Bellchapel clinic skal bli nedlagd, men òg at livet til mange av bebuarane i The Fields blir øydelagde når Barry Fairbrother brått døyr frå kone og fire barn. Plutseleg er det ein tom leiarstol i Pagfor Parish Council, og det blir hard kamp om denne plassen. Ein av dei som gjerne vil ta over er Miles Mollison. Nå vil han kjempefor å få leiarstillinga, og faren Horward Mollison har stor påverknad i den litle byen. Attpåtil er det mora, Shirley, som er administrator for nettsida til Pagfor Parish Council. Horward og Miles Mollison står for alt det Barry Fairbrother var i mot. Horward er av den oppfatninga at folka i the Fields har skuld i si eiga ulukke, og at alle er sin egen lykkes smed, noko som bare viser kor dømmande vanlege eller velståande folk kan vere mot dei som slit. Etter hans oppfatning har dei sjølve valt å leve eit elendeg liv, og om dei ville hatt noko meir kunne dei berre kjøpe seg det. Han og Miles er òg veldig for å leggje ned Bellchapel Clinic, for dei synes det er ein unødvendig økonomisk utgift.

Nokre av dei som vil bli råka viss denne klinikken blir lagt ned, er Crystal Weedon, mora Terrie Weedon og litlebroren Robbie Weedon. Mora Terrie går til behandling på klinikken og har ikkje alltid greid å halde seg borte frå dop og narkotika. Derfor er det Krystal som må dra det tunge lasset og passe på at treåringen Robbie får på seg klede og kan gå til the nursery. På mange måtar kan me seie at Krystal er hovudpersonen i boka, for ho er den som kan bli mest råka av dei fleste slutningane, noko som berre viser at det er dei rikaste og mest velståande som plar vinne og få alt til sin fordel. Kay Bawden er sosialarbeidar og har nettopp flytta til Pagford frå London med dottera Gaia, for å bu hjå Gavin, den nye kjærasten. Gavin ser ikkje på henne som ein kjærast, men meir ei han kan trenge av og til når llivet på veg nedover og han ikkje vil vere aleine. Derimot er han ikkje interessert i maktkampane i Pagford og heller ikkje i Kays kamp for Weedon-familien og Bellchapel Clinic. Crystal veit at viss mora byrjar å bruke, og viss Kay får snusen i at Obbo, ein narkoman kjeltring som sel drop, går inn og ut av dørene i huset deira, er det over for henne og Robbie. Ingen står henne nærare enn enn Robbie, men det kan sjå ut til at dei tek han frå henne.

Gaia Bawden, Kays dotter, misliker Pagford og vil tilbake til London så snart som mogleg. Andrew Price beundrer hennne og sender henne stadige blikk i timane. Andrew er son av Simon og Ruth Price, og somme stunder ønsker han å ta livet av den egoistiske og temperementsfulle faren. Bestevennnen til Andrew er Stuart Wall, eller Fats som dei fleste kallar han. Han er sonen til rektoren, Colin (òg kalla Cubby), og mora jobbar òg på den lokale skulen St. Thomas. Tessa Wall er bekymra for forholdet mellom far og son, men føler ikkje ho har nok kontroll på Fats og venane på skulen. Colin Wall er ein av dei som vil kjempe for plassen som leiar for Pagford Parish Council, for han var ein av Barrys beste vener og vil i lojalitet til vennen kjempe for sakene som låg han på hjartet, sjølv om det kanskje ikkje er hans eigne viktigaste saker. To andre personar som òg gjerne vil ha plassen i rådet er Simon Price og Dr. Parminder Jawanda. Dotter til Dr. Jawanda, Sukhvinder Jawanda, er eit mobbeoffer og får jevnlige meldingar på facebook frå Fats Wall. Fats har ei meining om at livet skal levast utan samvit og ansvarskjensle innblanda, og mykje av dette går utover Sukhvinder som kuttar seg sjølv og drøymer om sjølvmord. 

Personregisterert er mildt sagt stort, men det er lett oversiktleg. Historia er fortalt frå ein allvitande synsvinkel, og lesaren veit som oftast meir enn karaterane. Noko av det beste Rowling kanskje har fått til er å knyte liva til desse personane så mykje saman at alle handlingar og slutningar råkar nokre, mens dei er til fordel for andre. Ingen av karakterane er stereotype, og det er lett å tru i byrjinga at nokre er gode og nokre vonde, men etter kvart som du les forstår du at alt er ikkje bygga opp så enkelt. I løpet av dei litt over fem hundre sidene får du eit innblikk i liva til alle som er med i boka, og du får eit klart inntrykk av alt ikkje er slik som førsteinntrykket skulle tilseie. Terrie Weedon, til dømes, ser ut til å vere rota til alt det vonde som skjer med Krystal og kanskje mykje elles òg, men me får òg vite kva hennar historie er, og synet på henne kan bli endra. Gavin ser ut til å utnytte Kay, og ein skulle tru han var ein simpel løgnar og playboy, men den gong ei. Noko anna bok fekk kritkk for av Alyson Pearson i the telegraph var umoral. "It feels as if the author has unleashed all the swearing, sex and vitriol that have been off-limits to her since Harry Potter and the Philosopher’s Stone was published in 1997", skriv ho. På ein måte kan eg vere einig, for det er meir banning og i alle fall meir sex enn det det var i Rowlings bøker om Harry Potter. Likevel hjelper dette til å fram litt av miljøet både i Pagford og i The Fields. 

Alt i alt er eg veldig fornøgd med denne romanen. Den er sår og trist og viser oss eit bilete av England dei fleste aldri har lese om før. Det er vanskeleg å plassere boka i nokon spesiell sjanger, men ho er heilt klart noko for seg sjølve. Samstundes er det mykje humor, og boka viser vanskane med å falle utanfor eit samfunn og å vere relativt fattig slik Krystal er. Ho viser òg ein maktkamp på ein usedvanleg bra måte kor nesten alle i boka blir påverka. Om det er ein samfunnskritisk roman veit eg ikkje, men i så fall har Rowling gjort ein svært bra jobb. Boka var òg godt skriven, og skrivemåten minner meg litt om skrivemåten i bøkene om Harry Potter, men er ikkje heilt lik. Eg fekk mange kommentarar då eg la ut smakebit frå boka om at dei ville lese henne, mens andre var meir usikre eller ville ikkje lese henne. Uansett kvar du har tenkt før, trur eg dette er ei bok for dei fleste. Du treng ikkje like Harry Potter for å lese denne boka, sjølv om dei fleste vaksne Harry Potter-fans truleg vil like denne boka òg. 

bok å lese i påsken: glassblåseren fra Murano

Fin, historisk bok om glassblåsarar, Venezia og kjærleik. 

I Venezia 1681 er den venetianske republikkens hovednæring glassblåsing, og venetianske speil er mer verdt enn gull. Glassblåserne på Murano er praktisk talt fanger på øya, strengt bevoktet av det livsfarlige "timannsrådet", Consiglio dei dieci. For å beskytte sin hemmelige datter selger Corradino Manin, glassblåsernes største kunstner, sine forretningshemmeligheter og sin sjel til Ludvig XIV av Frankrike, Solkongen.

Flere hundreår senere flykter hans etterkommer, Nora Manin, fra et ulykkelig liv i London, for å gå i lære som glassblåser i sine forfedres by. I Venezia finner hun en ny tilværelse og ny kjærlighet. Men hun er både temperamentsfull og talentfull, og det berømte etternavnet setter henne i fare når tidløs rivalisering kommer til overflaten i de eldgamle glasshyttene. Og når de forræderske hemmelighetene i Corradinos liv avsløres, blir Noras skjebne uløselig knyttet til forfaderens.

Tekst og bilete frå Vega forlag.

Boka kom litt treigt i gang syntes eg og første kapittel var litt langvarig. I første del av boka likte eg best å lese om Nora, eller Leonora som ho blir heitande når ho kjem til Venezia. Tilbakeblikk til Corradino var litt kjedelige i byrjinga, og eg likte best å lese om Leonora gjennom boka og ikkje Corradino.

Både Leonora og Corradino var det kjekt å bli kjent med gjennom boka og linja i frå Corradino til Leonora er interessant. Det er ei svært romantisk bok også, og den anbefales til å bli lesen i påsken.

Eg har ikkje så god tid nå, men det er ei bra bok som bør lesast. Omslaget er til å forelska seg i og det same er beskrivingane av byen.

Bok: heksesot av Kari Sverdrup

Hei hei, tid for ny bokmelding. Har gleda meg til å skrive om denne boka. Dessverre leverte eg boka på biblioteket i dag, så de får ikkje baksideteksten, men mine forsøk på å gjenngi handlinga i boka.

Denner boka er etter det som står bakpå "en frittstående oppfølger til tilfeldig engel," men denne boka er om Ella, jenta Anna blir venn med i føste boka. Ella har nettopp flytta til Tvedt (eler er det Tveidt) saman med mora. Der møter ho både Georg (som er veldig hyggjeleg) og nokre jenter i klassen som er mindre hyggjelege. Ella trur på heksers makt og å stenge ute folk og å skyve dei vekk. På den nye staden har ho ingen veninner, og ho lengter sårt etter ei. Når Anna flytter inn i eit hus ikkje langt i frå, blir livet til Ella forandra.

Heksesot er ikkje akkurat ein oppfølgar til tilfeldig engel vil eg seie. Den er meir den same historia i frå ein annan vinkel. Historia byrjar og slutter på same stad som Anna sin i sist bok. Historiane deira møtes midtveis i begge bøkene, og det er spennande å ikkje bare høyre historia i frå Anna sin vinkel.

Ella er ein veldig spennande person å bli kjent med, sjølv om eg ikkje synes så mykje om dei kreftene ho trur på. I likhet med mange andre personar i bøkene (og Anna) blir Ella mobba heilt i frå første veke på den nye skulen. Ho er ikkje akkurat nokon helt. Heller ei heilt vanlig jente. Eg synes det er bra at Kari Sverdrup (og mange andre forfattarar) gjer hovudpersonane sine menneskelige og sårbare. Då føles dei nærare enn dei "heltane" som er perfekte og greier alt. Eg las ein gong at hovudpersonar ikkje blir truverdige viss alt bare er bra. Ella er absolutt ikkje ei jente som har det perfekt. I tilegg til å bli mobba, har ho òg hjerteproblem og mange operasjonar bak seg.

Boka er veldig godt skriven, og måten ho er skriven på gjer meg veldig opphengt i boka. Språket er bra, og det er få banneord. Dette er ei bok eg trur dei fleste vil like.

Noko som var litt negativt var at alt gjekk så fort fram. I løpet av boka følger me henne i frå ho byrjer i 8. (etter jul trur eg) til oktober når ho går i 10. På den tida føler eg at ting går veldig fort. Det er akkurat som om du ikkje føler at du blir lenge nok i den tida det skjer noko spennande.

Bok: Heaven av Christoph Marzi

Om boka:
Det er natt i London. David tar snarveien over takene og snubler over eit jente. Hun heter Heaven. Hun er vidunderlig. Og hun hevde at to menn har stjålet hjertet hennes. Skåret det ut av kroppen med kniv.

Bli med på en nervepirrende reise gjennom London. Urban fantasy på sitt beste!

Mi meining:
Boka var veldig godt skriven og det er verkeleg ei bok å leve seg inn i, og det kan jo vere positivt bare du ikkje er heilt vettskremd. Eg liker når bøkene er skrivne sånn at du ser det for deg og kanskje kjenner deg litt igjen, men då eg las denne fekk eg bare ei ekkel kjensle. Alt blei for verkeleg og det likte eg ikkje då eg las om ånder som blei vekte til live, ein fillemann og ein mann som gjekk under forskjellige namn alt etter kor han var og skar ut hjartet til folk. Denne blei så skummel og nervepirrande at det mest ikkje var kjekt, men eg kom meg gjennom. Handlinga var jo litt annleis, men fantasy er vel ikkje heilt mi greie. Nå tenkjer de kanskje: "Men ho liker jo Harry Potter." Ja, eg elsker Harry Potter, men den serien har ein heilt annan måte å uttrykke det på. På Galtvort er det spøkelser overalt, men det beskrives som vanlig, og dei er absolutt ikkje skumle. I denne boka fekk eg aldri heilt den der "Nå-er-eg-heilt-hekta-kjensla," men eg fekk lese ho feridig.

Noko eg likte med boka var at du blei godt kjent med personane som var med. Særlig Heaven og David, og det var jo kjekt. Baksideteksten var likevel ikkje noko særlig. Den setninga "Hun er vidunderlig" øydela heile baksideteksten. På kva måte? Kvifor skal eg vite det då? Og eg likte ikkje den beskrivinga, men noko som gav masse pluss var det herlige omslaget som var på og den fine tittelen.

Sånn samla sett var boka ok, men viss det kjem ei til boka, kjem eg ikkje til å lese henne.

bok: miraklenes tid er forbi av Kari Sverdrup

Jonas har endelig kapra drømmedama: Katarina, men på sommaren skal dei vere kvar for seg og som me kanskje veit, avstandsforhold er ikkje alltid like lett. Katarina er ikkje så veldig fornøgd med det tettte forholdet mellom Jonas og stesøstera Linda som òg er med på ferien til Jonas. Korleis går dette?

Wow, så mykje betre enn den første. Eg sat klistra til boka i dag til morgonen og ville vite korleis dette gjekk. Alt var kanonbra i forhold til sist bok og skrivemetoden er betydelig betre sjølv om det er i same serie. Nå ser eg fram til  å lese frem og tilbake er dobbelt langt som er tredje boka i serien.

Dette blei litt kort, men eg skal snart "ut på vift," (Nærbø kristelige ungdomslag) God helg alle saman.
Mai Lene

bok: vinnaren tar alt av Kari Sverdrup

Jonas har ein bestevenn. Eller ein han trudde var bestevennen hans. Og han har møtt Katarina. Ei jente som han synes er utanom det vanlige, men det einaste han firbindar med å møte henne er KATASTROFE.

Litt for enkel bok etter mi meining. Alt var for enkelt. Enten er ho veldig dårlig skriven ungdomsbok eller så er ho for dei som er litt mindre. Eg trur på det første fordi det var tydelig at her var det litt herming på gang etter andre ungdombøker.

Omslaget var stilig med mange fargar og det vekkar interesse.

Mai Lene

Bok: Hannahs håp av Karen Kingsbury

Dennne boka av Karen Kingsbury er det bare å seie tommelen ned til. Kanskje den verste eg har lese av ho. Det skal liksom foregå i vore dagar, MEN alle brukar "de" ig "sir" og andre stive og litt formelle ting. Og i tillegg sit eg igjen med ei kjensle av å ikkje ha fått vite så mykje om personane sidan alt verka så kort og at Karen Kingsbury bare måte bli ferdig og derfor så skjedde alt oå slutten veldig fort liksom.

Boka anbefales ikkje. Nå forstår eg ikkje kvofr eg gjekk eile sommaren og venta på DENNE boka. Ikkje noko å lese for meg. Kanskje andre liker den, men for meg blei den for tam i forhold til andre ting eg har lese. 

Mai Lene

lydbok: Paris-mysteriet av Bjørn Sortland (lese av Aksel Hennie)

David og familien er i Paris etter ei lang tid med skumle hendingar og dei har innsett at dei kan ikkje sleppe unna i frå denne superskurken som teroriserar liva deira. I Paris skjer det nok ein gong skumle ting og nok ein gong prøvar David og hjelpe til med dette. Og kven er dei som leikar at dei er skurkar framfor kvart einaste kunstmuseum i byen? Er dei verkelege skurkar eller bare leiker dei?

Paris-mysteriet er som alle andre bøker i den serien ei intenst spennande boka som du ikkje kan legge i frå deg. Ekstra spennande blir det på lydbok når du føler at du faktisk høyrer stemmene deira. Aksel Henni er fantasktisk til å lese bøker inn på lydbøker og det gjer det bare ekstra spennande. Dette er ei fin lydbok å ha med seg i bilen om sommaren for å høyre på.

Mai Lene

Lydbok: Svein og rotta og det store gavekaoset av Marit Nicolaysen (lese av Terje Strømdahl)

Svein skal kjøpe gave til mora. Ho ønsker seg ein ny BH, men Svein er ikkj så god på det her med BHar og riktig størrelse så han henter inn sine beste vener Melissa og Dan for å hjelpe. Og sjølvsagt rottene. Alle rottene er med og Melissa bruker rotta Pippi som måleband for å måle størrelsen på BHane, men kva skjer når dei kjem til storsenteret og rotta til Svein bestemmer seg for å stikke av midt i undertøysbutikken?

Boka er kjempebra og proppfull med humor og alt det som skal til. Eg ler nesten like mykje kvar gong her høyrer denne boka på lydbok og det er der den er best. Eg elsker å høyre lydbøker med Terje Strømdahl og Aksel Henni, og denne er spesielt god. Kjekt å ha med seg på ferie i bilen og høyre på der!

Omslaget er kjempebra og vitnar om eit sant kaos.

Mai Lene

Lydbok: Sidney-mysteriet av Bjørn Sortland (lese av Aksel Hennie)

David og resten av Bergvik - familien har opplevd nok til at det snart burde vere slutt, men det er endå ikkje nok. Trusselbreva kjem strøymande inn kvar tredje dag og dei bestemmer seg alle for å reise til Australia til ein ven av Knut Bergvik (faren i huset), men i Sydney kjem dei i nye vanskar.

Denne boka anbefales ikkje å lese først i serien om Kunstdetektivene.

Bøkene er fantastiske på lydbok og det er der de bør høyre dei. Perfekte å høyre i bilen.

Heile boka her er eigentlig bra og eg liker måten alt er bygd opp på i denne boka. Eg liker så godt korleis Sortland har laga alt. Han har fortalt at den einaste staden han ikkje har reist til som han har skrive om er Sydney, men likevel er alt så bra. Handlinga foregår i noko som ser ut som ein gul legokloss og er skjular det seg mykje!

Omslaget på boka er ikkje fullt så bra. Eg synes ikkje det ser spennande nok ut, men les du boka er det nok av andre spennande illustrajonar av Trond Bredesen.

Andre bøker i serien:

1. Venezia-mysteriet
2. Louxor-mysteriet
3. Ankor-mysteriet
4. New York-mysteriet
5. Sydney-mysteriet
6. Oslo-mysteriet
7.  London-mysteriet
8. Paris-mysteriet
9. Barcelona-mysteriet
10. Bergen-mysteriet
11. Stavanger-mysteriet

Det kjem ut ei til boka snart trur eg så det blir spennande.  Titlane er kanskje ikkje så veldig inbydane på desse bøkene, men dei seier jo litt eller kva?

Bok: The short second life of Bree Tanner av Stephenie Meyer

Boka var på engelsk så det var litt vanskelig å få med seg alt, men eg gjenfortel så godt eg kan.
Bree er ein nyfødd vampyr og styres av av tørsten. Og Riley. Riley er leiar for nesten tjue nyfødde vampyrar, men det er ikkje han som har skapt dei. han bestem over dei og lærar dei om det å vere vampyr, men Bree forstår snart at det er ikkje alt han seier som er sant!

Boka var sånn passe og eg likte innleiinga dårlig. Bree verkar som ein litt sur tenåring som skulle ut og jakte med sine "medvampyrar" og likte ikkje "gjengen" ho blei sendt ut saman med. Derfor stikk ho av med ein annan nyfødt vampyr som heiter Diego og var dei dannar ein BFF-klubb eller Ninjaklubb. Det verkar meir som noko sånt tåpelig ungdomssnakk akkurat der.

Midtdelen var heilt grei, men det verka av og til som om ho bare halte ut tida litt for å lage historia litt lenger. Riley var ikkje like skremmande i denne boka som i filmen eller boka. Eller han verka meir skremmande der og eg trudde dei andre skullle vere veldig undertrykka og at han gjekk rundt konstant sur og farlig, men nei, han var som ein Gud mange av dei tilbad og det stemde ikkje med den beskrivinga me har fått før.
Alle som har sett slutten av filmen eller lese slutten av Formørkelsen veit kva som skjer på slutten, men eg sakna ekte Meyer - skriving her. Eg hadde ikkje lyst til å setje meg ned å grine fordi det gjekk sånn og eg kjente ingen sympati for hovudpersonen gjennom denne boka.

Eg elsker omslaget og det timeglaset som er på det. Det seier mykje om boka., Elsker omslaget, boka sånn passe, manglar Meyer - effektar er vel kort oppsumert.

Eg  har lese Twilight - serien og syntes bøkene var gode, men dette var ingenting i nærleiken av kva Meyer skapte før.

Andre bloggarar som har skrive om boka

• My first, my last my everything
• Ladybug
• Bokelskerinnen

Mai Lene

bok: tilfeldig engel av Kari Sverdrup

Faren til Anna er vekk. Ho veit at ho kjem aldri til å sjå han igjen. Verda hennar reisar saman. Ho og mora og litlebroren flyttar og prøver å byrje på nytt ein annan plass. Ho møter mange nye som Regine og Janna, merkelige Ella, Markus i frå skulen og Georg som bur i nabohuset. Og ho møter den tilfeldige engelen som kjem på ein Harley heilt uventa.

Boka er bra. Eg likte ikkje så godt det heilt første i boka. Eg veit ikkje heilt kvifor eg ikkje likte det så godt. Det er vanskelig å begurnne det, men det som kom etterpå likte eg. Det var ei skikkelig bra ungdomsboka med ei god byrjing som kjem høgt opp.

Midtdelen har ikkje veldig mykje spenning, men det er kjekt å lese om og her gjer forfattaren mange av dei små tinga spennande og det er ein typisk ungdomsroman sånn som eg liker. Eg synes midtdelen var veldig bra skriven og eg likte handlingsgangen og det skjedde uventa ting.

Slutten var òg bra og dette er ein sånn slutt der nokre ting bir løyst mens andre ting forblir ubesvart. Det liker eg.

Omslaget er bra og passar til titteln etter mi meining. Veldig kult med ei englevinge med bilete i.

Boka anbefales både for ungdom og vaksne.
Mai Lene

bok: blå måne av Alyson Noël

Nå byrjar eg med å skrive om bøkene eg las på ferie og eg byrjar med den dårligaste først, då blir det litt spenning med kva som var den beste boka osv. Here we go!

Denne boka er som de sikkert veit oppfølgjaren til Ever - for alltid av Alyson Noël. Ever er klar for å gå inn i sin rolle som udødeleg og vere med sin store kjærleik - som òg er udødeleg - Damen. Men ein mystiks sjukdom trugar Damen og gjer at han gløymer ting. Samtidig så får Ever sjansen til å få tilbake familien sin som blei ramma av ei bilulukke, men då må ho velge bort Damen og kan ikkje lenger hjelpe han med sjukdommen. I sin søken etter ein medisin til han reiser ho til Summerland og ho må leite i Damens fortid.

Eg synes at denne boka var ein dårlig oppfølgjar og er ikkje særlig begeistra for serien. Den er ein dårlig twilight - serie og eg har ingen behov for å lese den vidare.
Byrjinga i boka var faktisk veldig god og eg tenkte at boka kom sikkert til å bli interresant viss den haldt på sånn. Det var svært interresant å lese om Evers nye forhold til tanta og korleis tanta ser på det at Ever veks mange centimeter om dagen. Det er nesten så du byrjar å leve deg inn i forteljinga og eg syntes byrjinga var bra.

Midtdelen var òg for så vidt bra. Sjukdommen til Damen blir jo verre og Ever gjer alt for han og alt det der. Reiser til og med til Summerland for å redde han. Det eg ikkje forstår er kvifor det bakpå boka står at det å leite i Damen si fortid var vanskelig og at det var ei fryktelig hisetorie. Alt ho avdekka der hadde ho visst i frå før av, så det var jo egenlig ikkje så merkelig det ho fann ut.

Så kjem me til slutten. Den øydela alt, og då eg sat og tenkte på boka etterpå fann eg ut at slutten var ikkje noko eg greidde å forstå. Den var rett og slett å kjedelig og dårlig at bare på grunn av den vil eg ikkje lese resten av serien.

Boka var bra skriven, men av og til blir det for fantasktisk synes eg alt dette Alyson Noël skriv. Ja, eg liker twilight, men eg liker ikkje denne serien. Damen er er ei dårlig etterlikning av Edward Cullen og eg synes Edward Cullen er ein mykje kjekkare gut å lese om.

Omslaget på boka var bra, det likte eg. Det passa med handlinga i boka og viser litt det mystiske rundt alt dette.

Mai Lene

Bok: Matched, Cassias valg av Ally Condie

Cassia stoler på systemet i verda ho bur i. Funksjonærane bestemmer alt og ingen har så mange val utanom å følge deira reglar. Alt i frå arbeid, klede, mat, kor tid du skal døy og kven du skal elske blir bestemt av funksjonærane. 

Kvar person blir matcha med den dei passar best saman med og Cassia er heldig med matchen sin: hennar beste ven. 

Samfunnet som fungerar bra på alle områder vil aldri innrømme at dei har gjort feil og i byrjinga så stoler Cassia på samfunnet. Heilt til den dagen ho finn ut at ho er forelska i ein annan enn matchen sin. Ein samfunnet har bestemt ho aldri kan få. 

Boka var svært god. Du føler at du blir dratt med med ein gong du opnar boka og byrjar å lese. Den er kjempegodt skriven og eg liker å lese om den typen framtid. Alt i frå forteljinga til matchbanketten til det litt meir morosame som at dei har fottur som ein aktivitet dei må melde seg på er så bra skrive at bare får lyst til å lese meir meir meir. Du sit heile tida og venter på spenningsscena og har ikkje lyst til å legge i frå deg boka når du les. Omslaget var perfekt. Det viser heile poenget i historia synes eg med at ho er fanga i ei boble (?) ho ikkje kjem seg ut av.

Boka anbefales. Mai Lene

Lydbok: Harry Potter og de vises stein av J. K. Rowling (lese av Torstein Bugge Høverstad)

Harry Potter er eit år når han blir lagt igjen utanfor huset til tanten og onkelen og då veit han ikkje at dei neste ti åra skal han leve på løgner om at han er ein heilt vanlig gut og at foreldra døydde i ei bilulukke. Nei, han veit ikkje ein gong at han er ein trollmann. Ikkje før Gygrid kjem og då byrjar hans magiske eventyr som trollmann på Galtvort skukle for hekserie og trolldom. 

Bli med Harry og vennene hans og finn meir ut om den sure eliksirlæraren, Nikolas Flammel og Nussi. 

Boka er veldig bra og når den blir lese på lydbok sånn som dette er det nesten som å kome inn i magiens verd. J. K. Rowling er ein super forfattar og sidan femte klasse har Harry Potter bare vore best. Når då i tillegg Torstein Bugge Høverstad kjem inn og les denne fortryllande historia så blir det endå betre. 

Boka anbefales både som lydbok og vanlig bok!

Eg har òg høyrt veldig mykje bra om han som les bøkene på engelsk og ein gong skal eg høyre ei på engelsk òg, men eg har framleis ei på norsk som eg skal få høyrt og det er Harry Potter og halvblodsprinsen. Eg gler meg allereie. 

Dette blir trulig den siste boka eg skriv om før eg skal på ferie, men når eg kjem tilbake håpar eg på å ha fått mange nye bøker å skrive om. På torsdag så kjem eg til å jukse litt med Boktema hos Anette A-Å og ta heilt i frå N-P fordi eg ikkje får gjort dei seinare. Det blir liksom ein liten spesial då. Eg har òg hatt min siste It`s Monday! What are you reading og Smakebit på en søndag på veldig lenge. Boktema hos Anette blir antagelig vis det siste eg kjem til å legge ut!

Mai Lene

bok: Mias mirakel av Kari Kingsbury

Marion Wright var tretten år då foreldra skilte lag. Etter det har ho nesten ikkje trudd på kjærleiken i det heile. Untaket Kade som ho møtte sommaren etter skilsmissen som viste henne kva ekte kjærleik er, men etter den sommaren har ho ikkje sett noko til han. Nokre år seinare går ho inn i eit fohold der komfort er noko av det viktigaste. Nå er ho enke saman med sonen sin Jordan og ho har ingen tru på ekte kjærleik. 

Casey Cummins driv sin eigen kafè på Manhatten  sørger framleis over kona som døydde for to år sidan. Nå blir han støttekontakt for Marions son, Jordan Wright. 

Livet tar ein annan vending både for Marion, Jordan og Casey. 

Boka er svært god og eg likte måten den var skriven på, men alt gjekk liksom litt for fort synes eg, men elles var den god. Eg kan ikkje seie anna enn at Kingsbury er fantastisk god til å skrive og eg elsker forteljingane hennar som òg har ein meining bak seg og ikkje bare tull og vås som mange andre. Boka anbefales og du kjem ikkje til å angre på at du byrja på denne boka. 

Mai Lene

Bok: Sarahs sang av Karen Kingsbury

Kvart år tolv dagar før julafta tar Sarah Lindeman fram juledekorasjonane sine og eit plastikkjuletre. Kvart år gjennoplever ho historia som skjedde i 1941 og kvart år syng ho sangen sin Sarahs sang. 

Med dette året står ein av pleiarane utanfor døra og høyrer på når Sarah nynner sangen. Sarah sitt ønske om at sangen og historia skal forandre nokon ser endelig ut til å gp i oppfyllelse. 

Dette er ei sterk bok om kjærleik og bodskapet i kjærleiken. Sarahs sang har eit sterkt bodskap om og Karen Kingsbury har igjen greidd å få fram ei kjensle av at me er me i historia og at det ikkje bare er personane der som treng bodskapet, men òg dei som les boka. Boka anbefales. Du vil garantert ikkje angre på at du byrja på denne boka her. 

Mai Lene